Defnyddiwch lai o ddŵr

Mae cymryd cawod 10 munud bob dydd yn defnyddio'r un faint o ddŵr â dros 100,000 o wydrau o ddŵr yfed bob blwyddyn. Lle bynnag bo modd, gall cyfyngu eich defnydd o’r gawod i lai na phedair munud arbed hyd at £95 y flwyddyn ar eich biliau ynni. A chofiwch ddiffodd y dŵr wrth i chi ddefnyddio’r siampŵ.

Newidiwch i offer sy’n effeithlon o ran ynni os gallwch, a sicrhewch fod eich peiriant golchi a’ch peiriant golchi llestri yn llawn cyn dechrau i wneud y mwyaf o arbed dŵr. Defnyddiwch osodiadau eco lle bo modd – mae hyn yn defnyddio tymheredd golchi a rinsio is, felly mae angen llai o ynni i gynhesu’r dŵr. Sychwch eich golch yn yr awyr agored yn hytrach na ddefnyddio peiriant sychu, i arbed ynni  - bydd yn helpu i leihau eich bil trydan yn ogystal. 

Sicrhewch eich bod yn diffodd eich tapiau pan na fyddwch yn eu defnyddio, er enghraifft wrth frwsio’ch dannedd. Mae hon yn ffordd hawdd o ddysgu'ch plant am arbed dŵr hefyd; dysgwch iddynt yr arfer o ddiffodd y tap wrth frwsio. Os ydych yn golchi llestri yn y sinc, ceisiwch ei lenwi â dŵr sebonllyd yn hytrach na gadael i’r dŵr redeg.

Mae sawl ffordd o uwchraddio eich cartref ac arbed dŵr, ynni ac arian, megis defnyddio pen cawod sy’n arbed dŵr, plygiau cyffredinol ac awyryddion tapiau’r gegin. Dysgwch fwy am gynhyrchion arbed dŵr a all eich helpu i leihau’r defnydd o ddŵr yn y cartref.

Bydd hyn yn eich helpu i leihau faint o ddŵr sy'n cael ei ddefnyddio wrth fflysio a gallai eich helpu i arbed hyd at 12,500 litr y flwyddyn – sy’n cyfateb i 150 bath safonol.

Gall mesuryddion dŵr eich helpu i ddeall faint o ddŵr yr ydych yn ei ddefnyddio a gwneud newidiadau i leihau gwastraff dŵr ac arbed arian. Rhowch gynnig ar y cyfrifiannell mesurydd dŵr hwn i wirio eich arbedion posibl.

Dyfriwch eich planhigion yn y bore neu gyda’r nos i leihau anweddu – gan ddefnyddio can dŵr. Os oes gennych ardd, rhowch gynnig ar seri-lunio – dull tirlunio sy’n gofyn am blanhigion isel eu defnydd o ddŵr ac sy’n helpu i arbed dŵr.

Mae angen llawer iawn o ddŵr i gynhyrchu rhai bwydydd cyffredin, megis cig. Yn gyffredinol, mae llysiau’n defnyddio llai o ddŵr.

Mae casgen ddŵr yn gasgen fawr i ddal dŵr glaw. Gallwch ddefnyddio’r dŵr hwn ar eich planhigion, a byddwch yn elwa’n ogystal o leihau eich defnydd o ddŵr a hyd yn oed arbed arian ar eich biliau dŵr o bosib. Dysgwch fwy am gasglu, storio a defnyddio dŵr glaw.

Mae cynhyrchu, trin a dosbarthu dŵr yn brosesau sy'n defnyddio llawer iawn o ynni ac yn cyfrannu at allyriadau carbon ein cartrefi. Gall defnyddio llai o ddŵr helpu i leihau ein defnydd o ynni i leihau effaith newid hinsawdd. 

Bydd defnyddio llai o ddŵr nid yn unig yn eich helpu i achub y blaned ond bydd hefyd yn lleihau eich biliau dŵr - yn enwedig o ystyried mai £405 yw’r bil cyfartalog dŵr a charthffosiaeth ar gyfer cartrefi yn y DU sydd â mesuryddion. Gallai sychder amaethyddol hefyd gael effaith niweidiol ar faint o gnydau a gynhyrchir, a fyddai yn ei dro yn effeithio ar gost bwyd.

Daw tua 6% of allyriadau carbon y DU o ddefnyddio dŵr poeth. Er mwyn lleihau ein hallyriadau carbon yn ogystal â’n defnydd ynni a’n biliau, mae angen i ni ddefnyddio dŵr yn fwy effeithlon.

Dim ond llai na 1% o gyflenwad dŵr y ddaear y gallwn ei ddefnyddio’n ddŵr yfed. Mae gwarchod adnoddau dŵr croyw prin ein planed yn golygu y gallwn sicrhau cyflenwad dŵr glân a diogel i bawb.

Mae angen lefelau digonol o ddŵr ar lawer o famaliaid dyfrol i oroesi mewn llynnoedd, afonydd a gwlyptiroedd. Mae'n hanfodol bod yn ystyriol o'n defnydd o ddŵr er mwyn cynnal ecosystem gytbwys.