Tai Clyd Caerdydd: help i wneud cartrefi Caerdydd yn gynhesach ac yn rhatach i’w rhedeg

Gall y cynllun newydd helpu trigolion i ddeall: 

• Pa welliannau arbed ynni allai weithio yn eu cartref  

• Sut y gallai'r gwelliannau hynny helpu  

• Pwy all wneud y gwaith   

• Pa grantiau, cyllid neu gyllid fforddiadwy a allai fod ar gael  

Mae'r cynllun yn cael ei ddarparu gan Gyngor Caerdydd a Llywodraeth Cymru. 

Beth yw Tai Clyd Caerdydd? 

Mae Tai Clyd Caerdydd yn gynllun effeithlonrwydd ynni cartref ar gyfer pobl sy'n byw yn: 

• Y Sblot  

• Adamsdown  

• Y Tyllgoed   

Ei nod yw ei gwneud hi'n haws i breswylwyr wella eu cartrefi, defnyddio llai o ynni a rheoli eu biliau ynni. 

Mae'r cynllun yn edrych ar y cartref cyfan, yn hytrach na chanolbwyntio ar un broblem yn unig. Mae hyn yn bwysig oherwydd bod pob eiddo yn wahanol. Bydd y gwelliannau cywir yn dibynnu ar oedran y cartref, sut cafodd ei adeiladu, ei system wresogi bresennol ac anghenion y bobl sy'n byw yno. 

Pa help mae Tai Clyd Caerdydd yn ei gynnig?

Gall pobl sy'n gwneud cais dderbyn: 

• Asesiad ynni cartref am ddim  

• Cyngor diduedd am ddim   

• Argymhellion ar gyfer gwelliannau addas i'r cartref

• Help i ddod o hyd i gontractwyr a gymeradwywyd gan Lywodraeth Cymru ac sydd wedi eu gwirio  

• Cymorth i ddod o hyd i grantiau, cyllid neu gyllid fforddiadwy  

Gall yr asesiad cartref awgrymu gwelliannau fel: 

• Gwella inswleiddiad wal, llawr neu atig  

• Uwchraddio system wresogi  

• Systemau ynni adnewyddadwy, fel paneli solar  

• Newidiadau eraill a allai helpu'r cartref i gadw gwres i mewn am gyfnod hirach  

Bydd preswylwyr yn derbyn cyngor yn seiliedig ar eu cartref eu hunain. Gallant wedyn wneud penderfyniad gwybodus ynghylch pa welliannau, os o gwbl, maen nhw eisiau eu gwneud. 

A oes modd imi gael gwelliannau cartref am ddim? 

Mae'n bosibl y bydd aelwydydd incwm isel cymwys yn gallu cael gwelliannau cartref wedi'u hariannu'n llawn. 

Gall pawb sy'n cymryd rhan dderbyn cyngor a chymorth am ddim i ddeall pa gymorth sydd ar gael. 

Bydd cynghorydd yn edrych ar amgylchiadau'r cartref ac yn esbonio pa opsiynau cyllido a allai fod yn addas. 

Pwy all wneud cais? 

Mae Tai Clyd Caerdydd ar gael ar hyn o bryd i bobl sy'n byw mewn cartrefi preifat yn y Sblot, Adamsdown a'r Tyllgoed. 

Mae hyn yn cynnwys: 

• Perchnogion tai   

• Landlordiaid preifat  

Os nad ydych yn siŵr a ydych chi neu'ch eiddo yn gymwys, gallwch siarad â chynghorydd Tai Clyd cyn gwneud cais. 

Sut allai'r cynllun wneud fy nghartref yn rhatach i'w redeg? 

Gall cartrefi golli gwres trwy eu toeau, waliau, lloriau, ffenestri a drysau. 

Pan fydd gwres yn dianc, weithiau bydd angen i'r system wresogi weithio'n galetach a defnyddio mwy o ynni i gadw'r cartref yn gyfforddus. 

Gallai gwelliannau addas helpu cartref: 

• Gadw'r gwres i mewn am gyfnod hirach  

• Teimlo'n gynhesach ac yn fwy cyfforddus  

• Defnyddio llai o ynni  

• Lleihau drafftiau  

• Gostwng biliau ynni   

• Lleihau allyriadau carbon  

Bydd yr union arbedion yn dibynnu ar yr eiddo, y gwaith a gwblhawyd a faint o ynni y mae'r cartref yn ei ddefnyddio. 

Pam mae'r Sblot, Adamsdown a'r Tyllgoed wedi'u cynnwys? 

Mae'r Sblot, Adamsdown a'r Tyllgoed yn cynnwys gwahanol fathau o gartrefi ac aelwydydd. Mae hyn yn eu gwneud yn lefydd defnyddiol i brofi sut mae'r cynllun yn gweithio ar draws ystod o eiddo ac amgylchiadau. 

Cynllun peilot yw Tai Clyd Caerdydd ar hyn o bryd. Gallai'r hyn a ddysgir helpu cymorth tebyg i gyrraedd mwy o gymunedau yng Nghaerdydd a ledled Cymru yn y dyfodol. 

Sut ydw i'n gwneud cais am Tai Clyd Caerdydd? 

Os ydych chi'n byw yn y Sblot, Adamsdown neu'r Tyllgoed, ffoniwch 080 8808 2244 a gwasgwch 3 i siarad â chynghorydd Tai Clyd. 

Gallwch hefyd ddod o hyd i ragor o wybodaeth ar dudalen we Tai Clyd Caerdydd Cyngor Caerdydd. 

Tai Clyd Caerdydd: atebion cyflym 

A allaf gael gwelliannau cartref am ddim trwy Tai Clyd Caerdydd?

Gall aelwydydd incwm isel cymwys dderbyn gwelliannau wedi'u hariannu'n llawn. Bydd aelwydydd eraill yn cael cynnig cyngor ar grantiau i gynorthwyo gyda chostau. 

A yw'r asesiad cartref yn rhad ac am ddim? 

Ydy. Mae'r cynllun yn cynnig asesiadau cartref am ddim a chyngor diduedd ar gyfer pob cartref. 

A all landlordiaid ddefnyddio'r cynllun? 

Gallant. Mae cymorth wedi'i deilwra ar gael i berchnogion tai a landlordiaid preifat. 

Sut galla' i gael gwybod mwy? 

Ffoniwch 080 8808 2244 a gwasgwch 3.