Cyhoeddi yn gyntaf: 5 Mai 2023 -
Wedi diweddaru: 4 Tachwedd 2025 -
Gwiriwyd gan ein Panel Golygyddol
Benthyciadau di-log oddi wrth Cartrefi Gwyrdd Cymru
Am gadw’ch cartref ar dymheredd cyfforddus trwy'r flwyddyn? Neu efallai am weld biliau ynni rhatach. Mae Cartrefi Gwyrdd Cymru yma i'ch helpu i weddnewid eich cartref yn hafan ynni-effeithlon.
:fill(transparent)){kind=spacer}
:fill(fff))
Mae’r cynllun yn cael ei reoli gan Fanc Datblygu Cymru a'i gefnogi gan Lywodraeth Cymru, i'ch helpu i wneud eich cartref yn wyrddach, yn rhatach i'w redeg ac yn fwy cyfforddus i fyw ynddo.
Dyma beth gallwch chi ei ddisgwyl:
Arweiniad gan arbenigwr
Bydd Cydlynydd Ôl-Osod yn gwneud asesiad manwl o'ch cartref, gan gynnig argymhellion ar gyfer defnyddio ynni'n effeithlon yn eich cartref a lleihau ei ôl troed carbon. P'un ai'ch bod yn ystyried inswleiddio, gwella'r system wresogi neu osod paneli solar, bydd gennych gynllun clir i'w ddilyn.Cyllid hyblyg
Nid oes angen poeni am rag-gostau. Mae'r cynllun yn cynnig benthyciadau di-log o £1,000 i £25,000, gyda hyd at 10 mlynedd i'w talu'n ôl. Ac os ydych chi'n mynd am brosiect mwy, mae'r cyfnod ad-dalu'n hirach byth. Hefyd, cewch wyliau ad-dalu o 6 mis, er mwyn i'r mesurau newydd gael amser i ddechrau talu eu ffordd.Cyllid grant
Yn ogystal â'r benthyciadau, efallai y byddwch chi’n gymwys hefyd i gael grant i dalu am brosiectau penodol. Mae hyn yn golygu y gallwch fwynhau manteision cartref gwyrddach gyda llai o gostau cychwynnol.
Pwy sy'n cael gwneud cais?
Mae angen i chi fod yn berchennog ar dŷ yng Nghymru a rhaid ichi yn gyntaf gael cyngor cyffredinol ar ynni - gall Nest roi'r cyngor hwn ichi - i sicrhau eich bod yn gwybod am yr holl gymorth sydd ar gael o dan eich amgylchiadau chi. Byddwn yn archwilio pob cais am sgôr credyd y ceisydd ac i weld a all ei fforddio.
Mae Cartrefi Gwyrdd Cymru yn mynnu bod pob gwaith yn cydymffurfio â fframwaith safonau ôl-osod y DU, PAS 2035 (2023).
Mae Cartrefi Gwyrdd Cymru yn cynnwys llawer o brosiectau effeithlonrwydd ynni, gan gynnwys:
Gwres: Pympiau gwres o'r aer ac o'r ddaear, boeleri biomas, neu wresogyddion stôr gwres uchel.
Cynhyrchu ynni: paneli solar, systemau thermol solar, neu fatrïau.
Gwead y tŷ: Inswleiddio, neu uwchraddio i wydr ffenestri perfformiad uchel.
Rheolaeth: Rheoli'ch gwres yn syth o'ch ffôn clyfar neu dabled.
Mae ceisiadau ar gyfer Cartrefi Gwyrdd Cymru bellach ar agor - cofrestrwch eich diddordeb.
Dysgwch fwy am bympiau gwres yma.
