Cyhoeddi yn gyntaf: 21 Chwefror 2024 -
Wedi diweddaru: 23 Ionawr 2026 -
Gwiriwyd gan ein Panel Golygyddol
Beth am gael cerbyd trydan?
Mae mwy a mwy o yrwyr yn dewis cerbyd trydan wrth i'r DU baratoi i roi diwedd ar werthu ceir petrol a diesel newydd erbyn 2030. P'un a ydych chi newydd ddechrau ar eich taith cerbyd trydan neu'n barod i uwchraddio, mae'n amser gwych i weld beth sydd ar gael.
Ymunwch â'r nifer sydd wedi mynd amdani - mae dros 90% yn dweud na fyddent yn newid yn ôl.
:fill(transparent)){kind=spacer}
:fill(fff))
Pam dewis trydan?
Mae newid i gerbyd trydan yn haws nag erioed - ac mae llawer o fanteision gwirioneddol i'ch poced, eich profiad gyrru, a'r amgylchedd. Mae dros 140 o fodelau ar gael bellach a mwy o bwyntiau gwefru yn ymddangos ledled y DU, felly ni fu erioed amser gwell i newid i drydan.
Rhatach i'w redeg
Gall gwefru gartref gostio cyn lleied â 2c y filltir, o'i gymharu â thua 18c ar gyfer petrol. Hefyd, mae gan gerbydau trydan llai o rannau sy’n symud, sy'n golygu costau gwasanaethu a chynnal a chadw is fel arfer.
Dewisiadau mwy fforddiadwy
Mae ceir trydan yn dod yn rhatach bob blwyddyn. Mae modelau newydd yn dechrau o dan £25,000 - a rhai o dan £16,000 - a gellir dod o hyd i gerbydau trydan sydd wedi'u defnyddio am lai na £5,000. Ychwanegwch grant newydd y llywodraeth ac arbedion posibl o gynlluniau aberthu cyflog, a gall y newid gostio llawer llai nag y byddech chi’n meddwl.
Profiad gwych, bob dydd
Mae cerbydau trydan yn cyflymu ar unwaith ac yn rhoi perfformiad llyfn a thawel. Maen nhw wedi'u cynllunio i fod yn ymatebol, yn gyfforddus ac yn bleserus ar bob taith.
Gwell i'r amgylchedd
Er bod y broses o’u cynhyrchu yn gadael ôl troed carbon, mae cyfanswm allyriadau cylch bywyd cerbydau hybrid a thrydan hyd at 89% yn llai o'i gymharu â cherbydau injan hylosgi mewnol. A gan nad oed allyriadau egsôst, maen nhw’n helpu i wella ansawdd yr aer yn eich ardal leol.
Milltiroedd sy'n addas i'ch ffordd chi o fyw
Mae'r rhan fwyaf o gerbydau newydd bellach yn cynnig 250-300 milltir o deithio - bron i bythefnos o yrru i fodurwr cyffredin y DU. Gall rhai modelau deithio mwy na 400 milltir ar ôl ei wefru.
Batri fydd yn para
Mae batris cerbydau trydan wedi'u cynllunio ar gyfer defnydd hirdymor, gydag gwarant o 8 mlynedd o leiaf. Mae'r rhan fwyaf yn dal i gadw 80-90% o'u capasiti ymhell ar ôl hynny, gan roi hyder i chi am y blynyddoedd i ddod.
Mae milltiroedd cerbydau trydan yn aros yn gyson hyd yn oed yn y gaeaf
Mae cerbydau diesel, petrol a thrydan yn colli milltiroedd yn yr oerfel, ond gall nodweddion clyfar ac arferion leihau'r effaith ar gerbydau trydan. Bydd dadmer eich cerbyd trydan tra ei fod wedi'i blygio i mewn i'r gwefrydd yn defnyddio trydan o’r prif gyflenwad, nid eich batri. Mae gwresogi'r seddi a'r olwyn lywio yn hytrach na'r caban i gyd hefyd yn fwy effeithlon o ran ynni - yn enwedig os oes gan eich cerbyd bwmp gwres.
Beth allai gyrru cerbyd trydan ei arbed i chi?
Edrychwch ar y rhifau drosoch eich hun, fe gewch amcangyfrif cyflym yn seiliedig ar eich teithiau a'ch costau ynni.
Sut mae gwefru cerbydau trydan?
Mae'n syml, yn glyfar ac yn fwy cyfleus nag y byddech chi'n meddwl.
Gwefru gartref
Gall perchnogion cerbydau trydan arbed hyd at £1,400 y flwyddyn mewn costau rhedeg a chynnal a chadw o'i gymharu â char petrol neu diesel. Plygiwch i mewn dros nos a deffro i fatri llawn. Mae'r rhan fwyaf o gerbydau trydan wedi gwefru’n llawn mewn tua 6-10 awr wrth wefru gartref.
Gwefru clyfar
Defnyddiwch dechnoleg gwefru clyfar i wefru'n awtomatig yn ystod oriau tawel - sydd tua 2c y filltir.
Gwefru cyhoeddus
Gwefrwch ar y ffordd gan ddefnyddio un o'r 82,000+ o bwyntiau gwefru cyhoeddus ledled y DU. Gall gwefrwyr cyflym iawn ychwanegu tua 150 milltir mewn cyn lleied â 15 munud.
)
)
)
)
)
)
)
)
)
)
