Sut i gefnogi Wythnos Hinsawdd Cymru 2025: Rhannwch, addunedwch a lledaenwch y gair

Thema 2025 fydd creu cynllun ymarferol i leihau allyriadau carbon am y pum mlynedd nesaf, a manteisio ar fuddiannau cymdeithasol, economaidd, ac amgylcheddol gweithredu ar newid hinsawdd.

Eleni, byddwn yn taflu goleuni ar dri maes allweddol lle mae gan Gymru’r grym i arwain:

• Sut rydym yn teithio

• Sut rydym yn cynhesu ein cartrefi

• Sut rydym yn gofalu am ein tir

Ond os ydym am wneud unrhyw gynnydd gwerth chweil, bydd angen cymaint o leisiau â phosibl i ymuno yn y trafodaethau - a dyma sut y gallwch chi gyfrannu.

Os ydych chi mewn llywodraeth, busnes, addysg, neu’r sector gwirfoddol - gall eich llais, eich platfform, a’ch rhwydweithiau ein helpu i gyrraedd pob cwr o Gymru. Dyma sut y gallwch helpu Wythnos Hinsawdd 2025 ac ysbrydoli eraill i ymuno â’r mudiad.

Pedwar ffordd hawdd i gefnogi Wythnos Hinsawdd Cymru

1. Ychwanegu llofnod e-bost Wythnos Hinsawdd Cymru

Gall pob e-bost y byddwch yn ei anfon helpu i godi ymwybyddiaeth. Ychwanegwch lofnod e-bost Wythnos Hinsawdd Cymru ar waelod eich negeseuon yn ystod ac yn y cyfnod yn arwain at y digwyddiad. Mae’n ffordd hawdd o ddangos cefnogaeth ac annog cydweithwyr, partneriaid, a chymheiriaid i gymryd rhan hefyd.

Lawrlwythwch y llofnod e-bost ac asedau eraill

2. Rhannwch Wythnos Hinsawdd Cymru ar gyfryngau cymdeithasol

Cyfryngau cymdeithasol yw un o’r ffyrdd cyflymaf o ledaenu’r gair. Rydym wedi creu graffeg a phostiadau dwyieithog enghreifftiol, sy’n barod i’w defnyddio ar nifer o gyfryngau cymdeithasol. Gall un post annog sgyrsiau, cyrraedd cynulleidfaoedd newydd, ac ysbrydoli mwy o bobl i gofrestru.

Lawrlwythwch asedau cyfryngau cymdeithasol

3. Anfonwch gylchlythyr at eich rhwydwaith

A yw eich sefydliad/busnes yn cyhoeddi cylchlythyr neu fwletin staff rheolaidd? Defnyddiwch ein templed cylchlythyr i rannu gwybodaeth allweddol am Wythnos Hinsawdd Cymru â’ch rhwydwaith. Os bydd yn cyrraedd aelodau, staff, neu sefydliadau partner, mi all eich e-bost fod yn ddigon i berswadio rhywun i gymryd rhan.

Lawrlwythwch y templed cylchlythyr

4. Gwnewch Adduned Wythnos Hinsawdd Cymru - a’i rannu

Dangoswch ymrwymiad eich sefydliad i weithredu ar newid hinsawdd drwy wneud Adduned Wythnos Hinsawdd Cymru. Defnyddiwch ein templedi cyfryngau cymdeithasol i rannu eich Adduned ac i annog eraill i wneud yr un peth. Gorau po fwyaf o Addunedau a gawn i gryfhau’r mudiad.

Mwy o wybodaeth yn dod yn fuan

Pam mae eich cyfraniad yn bwysig

Mae eich cefnogaeth i hyrwyddo Wythnos Hinsawdd Cymru yn ein helpu i:

• Cyrraedd mwy o bobl ar hyd a lled Cymru

• Casglu mwy o wybodaeth, syniadau a chwestiynau i ddylanwadu ar ddyfodol polisi ar yr hinsawdd

• Adeiladu momentwm i weithredu ar yr hinsawdd ym mhob carfan o gymdeithas

Gyda’n gilydd, mi allwch greu Cymru decach, fwy gwyrdd, a mwy cydnerth - ond rhaid cael cymaint o leisiau â phosibl i ymuno yn ein trafodaethau.

Ymunwch â ni ar gyfer Wythnos Hinsawdd 2025

• 🗓️ Dyddiadau’r Digwyddiad: 3-5 Tachwedd 2025

• 💻 Lleoliad: Cynhadledd rithwir

• 📬 I weld sut y gallwch gymryd rhan: cliciwch yma

Byddwch yn rhan o’r mudiad. Rhannwch, addunedwch a lledaenwch y gair. Gyda’n gilydd, mi allwn wneud #WythnosHinsawddCymru yn drobwynt mewn gweithredu ar newid hinsawdd yng Nghymru.