Cwestiynau i'r cyhoedd ar gyfer digwyddiadau cymunedol y Gronfa Sgyrsiau am yr Hinsawdd

Cwestiynau Cyffredin

• Beth sydd angen ei wneud i annog rhagor o bobl i wneud penderfyniadau mwy gwyrdd – wrth deithio, gwresogi eu cartrefi, a dewis diet?

• Sut mae sicrhau bod pobl, yn enwedig y bobl hynny sydd ar incwm is, yn gallu fforddio’r costau sy’n dod law yn llaw â phympiau gwres, paneli solar, cerbydau trydan a thechnolegau carbon isel eraill?

• Beth allwn ni ei wneud i baratoi pobl yn well at sgil-effeithiau newid hinsawdd – gan gynnwys llifogydd a thywydd poeth eithriadol – a’u hannog i wneud penderfyniadau sy'n fwy gwyrdd?

• Yn eich barn chi, beth fyddai’n helpu i warchod a gwella bywyd gwyllt a llecynnau gwyrdd yn eich ardal chi, a sut mae mynd ati i annog pobl i blannu mwy o goed?

• Sut hoffech chi gyfrannu at y penderfyniadau mae’r Llywodraeth yn ei wneud am newid hinsawdd? E.e. cynnal arolygon rheolaidd, pwyllgorau cyhoeddus, a chyfarfodydd yn fy ardal leol.

• Bydd angen gweithlu medrus a thechnoleg addas i fynd i’r afael â newid hinsawdd. Beth yw’r sgiliau, swyddi a'r technolegau sydd eu hangen yn eich ardal chi?

Defnydd Tir Amaethyddol

Y prif gwestiynau

• Sut allai ffermwyr leihau allyriadau anifeiliaid, newid y ffordd maen nhw’n ffermio a phlannu mwy o goed er mwyn cefnogi byd natur? 

• Beth yw’r cyfleoedd?

• Beth yw’r rhwystrau? Sut mae cael gwared arnyn nhw?

Cwestiynau ategol

• Sut dylai Cymru fynd ati i ddewis pa dir sy’n cael ei ddefnyddio i gynhyrchu bwyd, plannu coed, adeiladu tai a chreu ynni adnewyddadwy? 

• Sut byddai technolegau newydd (drôns, lloerennau, deallusrwydd artiffisial ac ati) yn gallu helpu ffermwyr a’u cymunedau lleol i addasu i’r newid yn yr hinsawdd? (e.e. monitro cnydau, erydu, a lefelau llygredd)

Tai

Y prif gwestiynau

• Sut mae mynd ati i gyflymu’r broses o wella effeithlonrwydd ynni ein cartrefi, a’u gwneud yn fwy gwyrdd?

• Beth yw’r cyfleoedd?

• Beth yw’r rhwystrau? Sut mae cael gwared ar y rhwystrau?

Cwestiynau ategol

• Beth fyddai’n eich cymell chi neu eich landlord i wella effeithlonrwydd ynni eich cartrefi, ac ystyried gosod pympiau gwres a/neu baneli solar?

• Ydych chi’n gwybod lle i fynd i gael cyngor a chymorth ar sut i wella effeithlonrwydd ynni eich cartref? Os nad ydych chi’n gwybod lle i gael cymorth, nodwch pa fath o gymorth byddech chi’n elwa ohono a phwy ddylai ei ddarparu?

• Pa swyddi newydd neu gyfleoedd busnes allai gael eu creu drwy wneud tai yng Nghymru yn fwy gwyrdd? Sut allwn ni ddenu pobl ifanc i’r gyrfaoedd hyn?

Trafnidiaeth

Y prif gwestiynau

• Sut allwn ni deithio mewn ffordd sy’n fwy gwyrdd a chynnig datrysiadau cyfleus, hygyrch, fforddiadwy a theg?

• Beth yw’r cyfleoedd?

• Beth yw’r rhwystrau? Sut mae cael gwared ar y rhwystrau?

Cwestiynau ategol

• Beth allai gymell mwy o bobl i gerdded, beicio neu ddefnyddio trafnidiaeth gyhoeddus yn amlach? Sut mae cael gwared ar y rhwystrau?

• Beth allai gymell rhagor o bobl i ystyried cael cerbyd trydan, a sut mae goresgyn yr heriau sy’n atal pobl rhag gwneud hynny?

• Pa gamau gweithredu dylai Llywodraeth Cymru eu cymryd i wneud y sector trafnidiaeth yng Nghymru yn fwy gwyrdd? E.e. gwella trafnidiaeth gyhoeddus, ei gwneud hi’n haws i gerdded a beicio neu roi cefnogaeth i’r rhai sy’n awyddus i newid i gerbyd trydan ond sydd ddim yn gallu fforddio gwneud hynny?