A yw eich toiled yn gollwng? Gall Dŵr Cymru ei drwsio am ddim

Oeddech chi'n gwybod bod toiled sy'n gollwng yn gallu gwastraffu hyd at 215 litr o ddŵr bob dydd? Mae hynny'n ddigon i lenwi bron i dri bath, a gallai fod yn costio cannoedd o bunnau y flwyddyn i chi!

Pam mae trwsio toiled sy'n gollwng yn bwysig 

Er bod Cymru yn un o'r rhannau gwlypaf yn y DU, mae dŵr yn dal i fod yn adnodd gwerthfawr. Mae pob diferyn yn cyfrif. Gall dŵr toiled sy'n rhedeg yn gyson, p'un a yw'n ddiferiad bach neu'n llif cyson, wastraffu swm sylweddol yn fuan. 

Toiledau sy'n gollwng yw un o'r achosion mwyaf cyffredin o wastraffu dŵr mewn cartrefi. Os ydych chi wedi sylwi bod dŵr eich toiled yn rhedeg pan na ddylai fod, efallai fod gennych ollyngiad. 

Sut i wirio p’un a yw toiled yn gollwng

• Oes dŵr i’w glywed yn rhedeg yn eich toiled pan nad yw wedi'i fflysio? 

• Oes ffrwd fach neu ddiferiad i’w gweld yn y bowlen? 

• Oes cynnydd wedi bod i’ch bil dŵr yn annisgwyl? 

Os mai ‘oes’ oedd yr ateb i unrhyw un o'r rhain, mae'n bryd gweithredu. 

Ei drwsio - am ddim!

Atgyweiriad bach, effaith fawr

Efallai fod trwsio toiled sy'n gollwng yn ymddangos fel rhywbeth dibwys, ond mae'n gam mawr tuag at leihau gwastraff dŵr, arbed arian a lleihau allyriadau carbon.